Vajzat flasin për nominimet në Big Brother: Po qëndroi ajo, do marrë superxhiro

Siç e dini “Zarfi i Zi” i Vëllait të Madh dërgoi këtë javë në nominim “kokë më kokë”, Eglën dhe Riken si dënim për përleshjen fizike që patën disa ditë më parë, një skenë që u komentua gjerësisht në rrjet dhe veprimi i vajzave u konsiderua si skandaloze.

Në shtëpi kanë nisur diskutimet se cila prej tyre mund të dalë. Në një bisedë në oborrin e shtëpisë, Vesa, Rike dhe Roza thonë se ajo që duhet të eliminohet është Egla, pasi sipas tyre degradon shpesh në ofendime dhe krijon situata tensioni në shtëpi.

Roza tha se nëse ajo arrin të shpëtojë do të “marrë superxhiro” dhe do të shkojë në ekstremitet me veprimet e sjelljen e saj. Nga ana tjetër Vesa shprehet se banorët e tjerë do të fillojnë të jenë në krahun e saj.