“Sesi do eci, do bashkohet apo do çahet më shumë…”/ Vula e PD në dorën e Berishës, avokat Ngjela: Shqipëria kishte vetëm një parti deri më tani, e djathta po shkatërrohej

Avokati Spartak Ngjela është shprehur se vendimi i gjykatës së Apelit për vulën e Partisë Demokratike ishte një akt pozitiv pasi po shkatërrohej e djathta.

I ftuar në një program televiziv, ai tha se ishte vendim pozitiv në interes të kombit pasi vendi ishte vetëm me parti të majtë.

“Akt pozitiv është, flas për interesin e kom,bit tim. Po shkatërrohej e djathta, një vend që ka vetëm të majtë, shkon drejt antidemokratikes. Të shohim sa e fortë do jetë PD të rigrupohet, ishte pozitive. Vulë është, por kishte ndarë partinë.

Duhet të presim ecurinë e ngjarjeve, politika nuk është fantazi por fakt. Bashkimi i PD është në favor të Shqipërisë, sesi do eci, do bashkohet apo do çahet më shumë, do duhet ta shikojmë.

Ne dimë vetëm kaq, në momentin e sotshëm ju kanë hequr pengesën për tu bashkuar. Shqipëria kishte vetëm një parti deri tani, këta do e shfrytëzojnë për të mirën e Shqipërisë, apo do shohin interesin individual, këtë do e shohim”-u shpreh Ngjela.