Probleme me energjinë elektrike në disa zona të Tiranës, raportime për qytetarë të bllokuar në ashensorë, ankime për luhatje tensioni

Energjia Elektrike është ndërprerë në disa zona të Tiranës, dhe në disa qytete si Kukësi, Elbasani, Kukësi dhe Durrësi.

Sa i përket Tiranës, probleme janë raportuar në zonat e Ali Demikt, Shkozë, te zona e Liqenit të Thatë, Komuna e Parisit etj.

Ndërkohë problematike kanë qenë raportimet në lidhje me disa qytetarë të cilët kanë mbetur të bllokuar në ashensorë.

Pas ndërprerjes së energjisë ashensorët janë bllokuar dhe banorët kanë mbetur brenda.

Ndërkohë një luhatje e tillë tensioni rrit rrezikun për të dëmtuar elektroshtëpiaket. Shumë abonentë familjarë por edhe biznese janë ankuar vazhdimisht për luhatjet e tensionit këto ditë të nxehta.