Mbi 70 persona janë konfirmuar të vdekur, ndërsa me qindra të tjerë rezultojnë të zhdukur si pasojë e shirave të dendura që kanë shkaktuar përmbytje të mëdha në shtetin brazilian të Rio Grande do Sul këtë javë.
Autoritetet vendase kanë shpallur gjendjen e jashtëzakonshme në zonat ku janë prekur më shumë se 67 mijë persona nga moti i keq. Deri tani 10 mijë banorë janë zhvendosur nga shtëpitë e tyre nga të cilët 4500 janë vendosur në strehimore të ndërtuar nga Mbrojtja Civile, më shumë se 500 mijë kanë mbetur pa energji elektrike, shkruan CNN.
