Aktori i serialit amerikan “1923”, Cole Brings Plenty, i cili u zhduk fundjavën e kaluar, u gjet i vdekur të premten në një zonë pyjore në Kansas. Lajmi i rëndë u konfirmua nga policia dhe familja e tij.
Mediat e huaja shkruajnë se 27-vjeçari u pa për herë të fundit në orët e hershme të mëngjesit të 31 marsit duke u larguar nga zona e Lawrence, Kansas, me një Ford Explorer të bardhë.
Cole Brings Plenty dyshohej nga policia se ishte përfshirë në një mosmarrëveshje të dhunës në familje, sipas një postimi në rrjetin social “Facebook” nga Departamenti i Policisë Lawrence në Kansas.
Ndërkohë policia vendase raporton se trupi i pajetë i Brings Plenty u gjet dhe u identifikua “në një zonë të pyllëzuar larg automjetit”.
“Jam thellësisht i pikëlluar të konfirmoj se djali im, Cole, është gjetur i vdekur dhe nuk është më me ne,” tha babai i tij, Joe Brings Plenty Sr., dhe familja në një deklaratë.
Përveç pjesëmarrjes në dy episode të prequel-it të serialit Western “Yellowstone” “1923”, titujt e tjerë të aktorit përfshijnë paraqitjet në serialet televizive “Into the Wild Frontier” dhe “The Tall Tales of Jim Bridger”, sipas faqes së tij në IMDb.
