A e ka uruar Efi çiftin Luiz-Kiara për lindjen e vajzës së tyre? Ja si përgjigjet ish-finalistja

E ftuar në emisionin “Big Brother Radio” ka qenë Efi Dhedhes, ish-banorja e edicionit të dytë të “Big Brother VIP Albania”, për të bërë një analizë të lojës së banorëve dhe për të dhënë mendimin e saj për videot më të spikatura gjatë 24 orëve të fundit në shtëpinë e BBV.

Luiz Ejlli dhe Kiara Tito janë bërë prindër për herë të parë. Fituesi i edicionit të dytë të “Big Brother VIP” ka postuar në Instagram një foto ku shfaqet dora e tij dhe e Kiarës teksa mbajnë dorën e bebit të porsalindur.

Gjithashtu Luizi ka zbuluar edhe emrin që ai dhe moderatorja i kanë vendosur vogëlushes së tyre, Luna Mari.

E pyetur nga Elona Duro nëse ajo e ka uruar çiftin Ejlli për lindjen e vajzës së tyre, Efi u përgjigj:

“Po, patjetër që i kam uruar. O Zot më bëhet kjo pyetje gjithandej.”