Konflikti mes Iranit dhe Izraelit mund të përshkallëzohet. Kabineti i luftës i Izraelit miratoi përgjigjen ushtarake ndaj sulmit iranian.
Media shtetërore hebraike e bëri të ditur këtë, pa shtuar detaje të mëtejshme.
“Izraeli po planifikon një “përgjigje të rëndësishme” ndaj lëshimit të paprecedentë të dronëve nga territori iranian”, tha një zyrtar i lartë izraelit nga Channel 12 TV.
Irani sulmoi Izraelin me 100 dronë kamikazë dhe raketa balistike.
Mjaft nga mjetet ushtarake ajrore iraniane u kapën nga sistemet amerikane të mbrojtjes në Lindjen e Mesme.
Edhe Jordania njoftoi se kishte shkatërruar disa dronë të nisur nga Teherani me objektiv Izraelin.
