Ka marrë zjarr një mjet në rrugën Korçë-Ersekë, sapo kalon Qafën e Qarrit.
Sipas informacioneve, ngjarja është aksidentale, shkak i një defekti të mjetit.
Mjeti është përfshirë në flakë totalisht, drejtuesi ka dalë pa marrë dëmtime.
Në mjetin e përfshirë nga flakët kanë qenë duke udhëtuar një burrë se bashku me djalin e tij dhe një të afërm kur mjeti në majë të Qafës së Qarrit është përfshirë nga flakët.
Në momentin që mjeti ka shpërthyer në flakë drejtuesi i mjetit se bashku me mikun e tij dhe djalin kanë arritur të dalin në kohën e duhur nga mjeti i cili brenda pak minutash është djegur i gjithi.
Burime pranë vendit të ngjarjes thanë se gjithçka ka ardhur pas një defekti elektrik në mjetin ku po udhëtonin 3 persona.
Nga flakët e automjetit është djegur një sipërfaqe e pyllit buzë rrugës aq sa është dashur ndërhyrja e mjeteve zjarrfikëse për të izoluar flakët.
Policia në vendngjarje po heton për shkakun e zjarrit.
