Beyonce ka zbuluar emrin e albumit të saj të ri, i cili do të publikohet më 29 mars. Detajet ajo i ka bërë të ditura për admiruesit në faqen e saj zyrtare. Beyonce arriti të ngjitej në vendin e parë në Billboard Hot 100 për herë të nëntë si artiste solo.
Këngëtarja e njohur, Beyonce ka zbuluar emrin e albumit të saj të ri. “Act II: Cowboy Carter” do të publikohet më 29 mars.
Titulli është publikuar në faqen e saj zyrtare si dhe detajet që admiruesit të ‘rrëmbejnë’ CD-të e limituara, disqet e vinilit apo pakot e plota.
Beyonce njoftoi vazhdimin e albumit të saj “Act I: Renaissance” në Super Bowl gjatë një reklame për Verizon ku në fund të së cilës ajo tha: “Ata janë gati, publikojini këngët e reja”. Më pas, ajo njoftoi se po publikonte dy këngë: “Texas Hold’ Em” dhe 16 Carriages”.
E para u kthye në një hit për muajin shkurt duke bërë që Beyonce të ishte gruaja e parë me ngjyrë që kryesonte Billboard’s Hot Country Songs. Gjithashtu ajo është artistja e dytë, kënga e së cilës ngjitet menjëherë në vendin e parë në listë (Taylor Swift ishte pararendësja e saj).
Beyonce arriti të ngjitej në vendin e parë në Billboard Hot 100 për herë të nëntë si artiste solo.
