Nëse jeni gjithmonë të lodhur, nuk jeni vetëm! 40% e të rriturve në të gjithë botën thonë se lodhja si gjendje i pengon në aktivitetet e përditshme, kjo sipas Fondacionit Kombëtar të Gjumit.
Pra, pse kaq shumë njerëz ndihen të lodhur gjatë ditës?
1. Zakonet e këqija të gjumit
Ndërsa ndjenja e vazhdueshme e lodhjes mund të lidhet me shumë faktorë, gjithçka fillon me gjumin e duhur. Gjëja e parë që duhet vlerësuar kur ndërtoni zakone të shëndetshme të gjumit është orari. Gjithashtu, përmbushja e një cikli prej shtatë deri në tetë orë është një element kryesor që ndihmon që ju të ngopeni me gjumë dhe të keni pushuar cilësisht.
2. Shqetësime nga stresi
Shumë njerëz kanë problem me fjetjen, ose zgjohen shpesh gjatë natës gjë që i bën të ndihen më të lodhur të nesërmen. Shkaku kryesor i shqetësimit gjatë natës për shumë njerëz duket se lidhet me ankthin ose stresin. Nuk është e pazakontë që sistemi nervor i njeriut të ketë nevojë për mbështetje shqisore ndaj depresionit, për të qenë në gjendje të kalojë natyrshëm këtë gjendje.
3. Mungesa e vitaminave
Lodhja e vazhdueshme mund të shkaktohet edhe nga mungesa e lëndëve ushqyese thelbësore. Marrja e suplemente për të siguruar elementet më të rëndësishme që nuk merren nga ushqimet, por përmes vitaminave janë një qasje e nevojshme nëse nuk doni të ndjeni lodhje gjithë kohën.
4. Drita blu gjatë natës
Përdorimi i teknologjisë para gjumit mund të ketë ndikim në cilësinë e gjumit. Disa pajisje, veçanërisht ato me ekrane që lëshojnë dritë blu, mund të jenë të dëmshme për gjumin tuaj, por kohët e fundit, teknologjitë duket se edhe mund të ndihmojnë në qetësimin e mendjes dhe relaksimin e zonave të tensionit në trup. Të gjitha këto më pas ndikojnë në një gjumë të mirë dhe cilësor dhe natyrshëm në energji të shtuar për ditën tjetër.
